- მესტიის მუნიციპალიტეტის მულახის ტერიტორიულ ერთეულში სოფელ არცხელის გზის და ხიდის სარეაბილიტაციო სამუშაოები დაიწყო.
მესტიის მუნიციპალიტეტის მერიის ინფორმაციით, ამ ეტაპისთვის მიმდინრეობს ხიდის რკინა ბეტონის ბურჯების მოწყობის სამუშაოები.
გზის მოწყობის სახელშეკრულებო ღირებულება 948 460 (ცხრაას ორმოცდარვა ათას ოთხას სამოცი ) ლარს შეადგენს. სარეაბილიტაციო გზის მონაკვეთი შეადგენს 700 მ-ს.
სამშენებლო სამუშაოებს ელექტრონულ ტენდერში (NAT230004473) გამარჯვებული კომპანია, შპს „ლიდერ+“ ასრულებს.
უწყების ცნობით, პროექტის მიხედვით გათვალისწინებულია გზის არმირებული ბეტონის საფარის მოწყობა.
პროექტი ორწლიანია და დასრულდება 2024 წლის მაისის თვეში.