- საქართველოს ისტორიაში პირველად, 2024 წელს, კურორტ თეთნულდზე, ფრირაიდის მსოფლიო ტური ჩატარდება. ინფორმაციას ამის შესახებ მთის ტრასების სააგენტო ავრცელებს.
“საქართველო 6 წამყვან ექსკლუზიურ ქვეყანას შორის დასახელდა (კანადა, ანდორა, ესპანეთი, შვეიცარია, ავსტრია და საქართველო), რომელთაც ფრირაიდის მსოფლიო ტურის ჩატარების უფლება ხვდათ წილად. გადაწყვეტილება საფრანგეთის ქალაქ ანესში, ფრირაიდის ყოველწლიურ ღონისძიებაზე გახდა ცნობილი.
ფრირაიდის მსოფლიო ტურში 50 გამორჩეული სპორტსმენი (რაიდერი) იასპარეზებს. აღსანიშნავია, რომ მესტია გახდა მსოფლიოში ფრირაიდის ახალი მიმართულება, ხოლო კურორტი თეთნულდი ფრირაიდის მოყვარულთათვის პოზიციონირდა, როგორც ახალი აღმოსაჩენი ადგილი.”-აღნიშნულია ინფორმაციაში.
შეჯიბრება 2024 წლის მარტში ჩატარდება.