კულტურის სამინისტროს მხარდაჭერით რუსთაველის ეროვნულ თეატრში მურად ფირცხელანის, რუსლან სტეფლიანისა და გულვერ გერლიანის საიუბილეო კონცერტი - „სვანეთის ხმები“ - გაიმართა. საზეიმო ღონისძიებას კულტურის, სპორტისა და ახალგაზრდობის მინისტრი თეა წულუკიანი საქართველოს პარლამენტის წევრებთან - სოზარ სუბარსა და გენრიეტა წიწავასთან, ანზორ ერქომაიშვილის მეუღლე ლალი სეთურიძესთან, ფონდ ,,ქართული გალობის" თანადამფუძნებელ ნანა გოთუასთან ერთად...
Blog
გდი: სანქციები გამკაცრდა უკანონო თევზჭერაზე
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის ინფორმაციით, საქართველოს სისხლის სამართლის კოდექსში შესული ცვლილებებით, სანქციები გამკაცრდა უკანონო თევზჭერაზე. უწყების ცნობით, ელექტროდენით, ელექტროშოკის აპარატით, თვითნაკეთი ელექტრონული ხელსაწყოთი, ფეთქებადი ან მომწამლავი ნივთიერებით, თევზის ან წყლის სხვა ცოცხალი ორგანიზმის მასობრივი განადგურების სხვა საშუალებით უკანონო თევზჭერა პირველივე ჯერზე სისხლის სამართლის დანაშაულად დაკვალიფიცირდება. „აღნიშნული...
სები: საპენსიო სესხების რეკლამირება იკრძალება
საქართველოს ეროვნული ბანკის გადაწყვეტილებით, პენსიით უზრუნველყოფილი სესხების რეკლამირება პენსიონერთა ინდივიდუალური თანხმობის გარეშე იკრძალება. ამასთან, აღნიშნული ცვლილება გავრცელდება იმ პენსიონრებზე, რომელთა შემოსავალიც მხოლოდ პენსიით ან/და სხვა სახელმწიფო სოციალური გასაცემლით განისაზღვრება. სებ-ის ახალი გადაწყვეტილებით, კომერციული ბანკები ვერ შეძლებენ პენსიით უზრუნველყოფილი სესხების რეკლამირებას, რომლის შინაარსიც საპენსიო ან სხვა ტიპის სოციალური გასაცემლის საფუძველზე მომხმარებელს...
“გაიღე სისხლი, გადაარჩინე სიცოცხლე”
8 დეკემბერს, მესტიის მუნიციპალიტეტის მერიაში, ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი გამართავს სისხლის უანგარო დონაციის აქციას. "მოგეხსენებათ, რომ ქვეყანაში სიმწვავეს არ კარგავს უსაფრთხო სისხლის მარაგების პრობლემა. სისხლის კომპონენტების საჭიროება მუდმივად იზრდება. მათი მიწოდება ნებისმიერ ადამიანს შეიძლება დასჭირდეს, მათ შორის: ონკოპაციენტებს, მელოგინე დედებს, ლეიკემიით დაავადებულ ბავშვებს, ავტოავარიაში...
“სვანეთის ხმები”
5 დეკემბერს, 19:00 საათზე, რუსთაველის ეროვნულ თეატრში, გაიმართება მურადი ფირცხელანის, რუსლან სტეფლიანის და გულვერ გერლიანის საიუბილეო კონცერტი "სვანეთის ხმები". საღამოს წარუძღვება ანზორ ერქომაიშვილის სახელობის ფოლკლორის სახელმწიფო ცენტრის დირექტორი და ანსამბლ ,,ბასიანის" სამხატვრო ხელმძღვანელი გიორგი დონაძე. პროექტი ხორციელდება საქართველოს კულტურის, სპორტისა და ახალგაზრდობის სამინისტროს მხარდაჭერით. ინფორმაციას მესტიის მუნიციპალიტეტის მერია ავრცელებს
“ლიტერატურული შემოდგომა”
ა(ა)იპ „მესტიის მუნიციპალიტეტის მთავარი ბიბლიოთეკის“ ორგანიზებით, ჩატარდა შემოქმედებითი საღამო „ლიტერატურული შემოდგომა“. მესტიის მუნიციპალიტეტის მერიის ინფორმაციით, წარმოდგენა მესტიის ლეო ფილფანის სახელობის თეატრში გაიმართა. ღონისძიებაში მონაწილეობა მიიღეს მესტიის მუნიციპალიტეტის საჯარო სკოლებმა. შემოქმედებით საღამოზე ეცერის საჯარო სკოლის მოსწავლეებმა, წარმოადგინეს პერფორმანსი ვაჟა-ფშაველას „ალუდა ქეთელაური“. ბავშვებმა საოცარი ოსტატობით წარმოაჩინეს ქართველი გენიოსის სულისკვეთება.
სვანეთის ტურისტული “დანიშნულების ადგილის მართვის ორგანიზაცია შან-ლენდმა“ მონაწილეობა მიიღო საერთაშორისო ტურისტულ გამოფენაში
სვანეთის ტურისტული "დანიშნულების ადგილის მართვის ორგანიზაცია შან-ლენდმა“ მონაწილეობა მიიღო, პოლონეთის დედაქალაქ ვარშავაში გამართულ საერთაშორისო ტურისტულ გამოფენაში "TT Warsaw", რომელიც 23-25 ნოემბერს გაიმართა. გამოფენა “TT Warsaw 2023”- ში 50 ქვეყნის 247 ტურისტული კომპანია იღებდა მონაწილეობას. მესტიის მუნიციპალიტეტის მერიის ინფორმაციით, “TT Warsaw 2023”- ში მონაწილეობა დიდი შესაძლებლობა გახლდათ შემდეგი მიზნების მისაღწევად: სვანეთის,...
მესტია-უშგულის მონაკვეთზე მსუბუქი ავტოტრანსპორტის მოძრაობა დასაშვებია
საავტომობილო გზების დეპატამენტის ინფორმაციით, თოვლის გამო, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ140-185 (მესტია-უშგული) მონაკვეთზე მსუბუქი ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. "ამასთან, შეგახსენებთ, რომ აღნიშნული გზის კმ185-კმ192 (უშგული-ლასდილი) მონაკვეთზე, აკრძალულია ყველა სახის ავტოტრანსპორტის მოძრაობა. ხოლო ამავე საავტომობილო გზის კმ140-185 (მესტია-უშგული) მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი...
დავით ჯიშკარიანის წიგნის პრეზენტაცია გაიმართა
ხაიშში, მწერლის, დავით ჯიშკარიანის "ბუცები და ტყავის ჩექმა" პრეზენტაცია გაიმართა. დავით ჯიშკარიანი ლიტერატურული პრემია "საბას" გამარჯვებულია.
დავით მუშკუდიანი ჭაბუკ მოკრივეთა შორის მსოფლიო ჩემპიონატზე ასპარეზობს
ერევანში, ჭაბუკ მოკრივეთა შორის მსოფლიო ჩემპიონატი მიმდინარეობს, სადაც წარმატებით ასპარეზობს მესტიის მუნიციპალიტეტის კრივის სკოლის წარმომადგენელი დავით მუშკუდიანი. მესტიის მუნიციპალიტეტის მერიის ინფორმაციით, დავითმა ტურნირის ერთერთი ფავორიტი, ევროპის ორ გზის ფინალისტი გერმანელი სპორტსმენი დაამარცხა და მეოთხედფინალურ ეტაპზე გავიდა. ნახევარფინლის საგზურისთვის ბრძოლა 29 ნოემბერს გაიმართება, სადაც ინდოეთის წარმომადგენელს დაუპირისპირდბა.